आषाढ आला घन दुरून आले
तव आठवाने मन भरून आले
आषाढ पहिला छळतो असा हा
नयन हे माझे विरहात ओले
सजन कसा तो ठावूक नाही
रूप तयाचे गात्रांत भरले
स्पर्श तयाचा उल्हास भरतो
सौभाग्य लेणे हर्षात न्हाले
आषाढ सरींचे बेफाम जगणे
नव उन्मेष ऐसे कोंबात हसले
आषाढ येतो सजतो रमतो
संगीत सजते धरणी डोले
आता कुठेती आषाढ गाणी
छंद उरीचे उरात उरले
- प्रकाश रामचंद्र क्षीरसागर
Sunday, August 1, 2010
Subscribe to:
Posts (Atom)