शुभेच्छा!

शुभेच्छा!
दीपांतूनी उजळत येते आयुष्य अशी दीपावली
आनंदाचे दीप लावते आयुष्यात ही दीपावली
मनामनातील तमा घालवी अशी ही दीपावली
तनातनातून जोम जागवी अशी ही दीपावली

दिवाळीच्या सर्वांना हार्दिक शुभेच्छा!
प्रकाश रामचंद्र क्षीरसागर आणि कुटुंबीय
गोवा.

-------------------------

दिव्यांचा उत्सव मनात सजला
भाव उजळला अंतरीचा
अंतरीचे रंग आकाशात गेले
तारकांचे झेले बनुनिया

दिवाळीच्या सर्वांना हार्दिक शुभेच्छा!
प्रकाश रामचंद्र क्षीरसागर आणि कुटुंबीय
गोवा.

शुभेच्छा!

दीपांतूनी उजळत येते आयुष्य अशी दीपावली
आनंदाचे दीप लावते आयुष्यात ही दीपावली
मनामनातील तमा घालवी अशी ही दीपावली
तनातनातून जोम जागवी अशी ही दीपावली

दिवाळीच्या सर्वांना हार्दिक शुभेच्छा!
प्रकाश रामचंद्र क्षीरसागर आणि कुटुंबीय
गोवा.

-------------------------

दिव्यांचा उत्सव मनात सजला
भाव उजळला अंतरीचा
अंतरीचे रंग आकाशात गेले
तारकांचे झेले बनुनिया

दिवाळीच्या सर्वांना हार्दिक शुभेच्छा!
प्रकाश रामचंद्र क्षीरसागर आणि कुटुंबीय
गोवा.

सारे साव झाले ।

कालचे जे चोर होते तेच सारे साव झाले ।
वाढला अन्‌ भाव मग तेच सगळे साव झाले ।।१।।
वाहिलेल्या त्या फुलांचे ईशचरणी पुण्य झाले
भावनेचा हाट झाला मंदिरीया भक्तिचे भाव झाले २।।
भक्त झाले देव आता देवळाला देव मुकले
चालला हा व्यवहार इथे तरी त्यांचे नाव झाले ।।३।.
पीक नाही घेत कोणी बीज कणगीत पडले असे
बंगले सारेच येथे रानआता गाव झाले ।।४।।
सागर किनारी करित चिंता कुणाच्या भाकिताची
बन सुरूचे सुन्न होते त्यास चिंता काय झाले ।।५।।
- प्रकाश रामचंद्र क्षीरसागर

हार्दिक शुभेच्छा!

विजयादशमीच्या सर्वांना हार्दिक शुभेच्छा!

फूल होता त्या कळीचे मंद वारा वाहतो का
आणि फूल होते तेव्हा तो तिला टाळतो का?

- प्रकाश रामचंद्र क्षीरसागर

बालकविता

१)
खारुताई
झाडावरून खारुताई
खिडकीत बसली
राघवने मग तिला
थोडी भाकरी दिली
खारुताई आनंदाने
नाचू गाऊ लागली
कावळ्याने ते पाहून
तेथे झेप घेतली
खारुताईची भाकरी
कावळ्याने पळविली
राघवची स्वारी मग
उग्गी रुसून बसली

-प्रकाश रामचंद्र क्षीरसागर

शुभेच्छा

गणेश चतुर्थीच्या सर्वांना हार्दिक शुभेच्छा
प्रकाश रामचंद्र क्षीरसागर व परिवार

-------------
हायकू
रानातले फूल
शहरात आले
प्रदूषणाने मेले

अजून मोगरी
फुलाविना कशी
झाडे झाली पिशी

कळ्यांचा बहर
खोडात रुतला
मुळांना काचला
- प्रकाश रामचंद्र क्षीरसागर

श्रावण आला

श्रावण आला
अंबरातले निळे झरे
उतरुनी भूमिवरी आले
रम्य मनोहर सजलेले
डोंगरातले नदी - नाले
काठवरच्या तरू लतांना
छेडित कशा या जलधारा
आला श्रावण श्रावण आला
संगे घेऊन सणांची माला

- प्रकाश रामचंद्र क्षीरसागर